မြန်မာစစ်တပ် အာဏာသိမ်း အကြမ်းဖက် ဖိနှိပ်မှု ဂျပန်တုံ့ပြန်ဖို့တာဆူ . မြန်မာနိုင်ငံမှာ အာဏာသိမ်းထားတဲ့ စစ်တပ်က ဆန္ဒပြပြည်သူတွေ အပေါ် အကြမ်းဖက်နှိမ်နင်းမှုတွေကို အပြင်းအထန်ရှုတ်ချကြောင်းနဲ့ လက်တုန့်ပြန် ဖို့ စဉ်းစားသုံးသပ်မှာ ဖြစ်ကြောင်း ဂျပန် ကက်ဘိနက်အဖွဲ့ အတွင်းဝန်ချုပ် Katsunobu Kato က တနင်္လာနေ့ သတင်းစာရှင်းလင်းပွဲမှာ ပြောကြားလိုက်ပါတယ်။ . “မြန်မာနိုင်ငံတွင်းက အခြေအနေတွေကို စောင့်ကြည့်နေပြီး စီးပွားရေးအရ ပူးပေါင်းဆောင်ရွက်မှုတွေ၊ မူဝါဒတွေနဲ့ ပတ်သက်လို့ ဘယ်လိုဆက်ပြီး တုံ့ပြန်သွားမလဲ ဆိုတာကို လေ့လာ သုံးသပ်သွားမှာ ဖြစ်သလို မြန်မာ့အရေး စိုးရိမ်နေကြတဲ့ တခြား နိုင်ငံတွေရဲ့ တုံ့ပြန်မှုတွေကိုလည်း ထည့်သွင်း စဉ်းစားသွားမှာ ဖြစ်ကြောင်း" ပြောသွားတာပါ။ . မြန်မာနိုင်ငံမှာ စစ်တပ်က အာဏာသိမ်းပြီး ဒီမိုကရေစီရေး လိုလားသူတွေကို ပစ်ခတ်နှိမ်နင်းနေတာကို ကန့်ကွက်တဲ့အနေနဲ့ မြန်မာနဲ့ ကာကွယ်ရေးဆိုင်ရာ ပူးပေါင်း ဆောင်ရွက်မှုတွေ ဆိုင်းငံ့ပြီး စစ်ဘက်ပစ္စည်း တင်ပို့ရောင်းချမှုတွေ ပိတ်ပင်မယ်လို့ တောင်ကိုရီးယား နိုင်ငံက ပြီးခဲ့တဲ့သီတင်းပတ်ထဲ ပြောဆိုခဲ့ပြီးတဲ့နောက် ဂျပန်နိုင်ငံကလည်း မြန်မာ့အရေးနဲ့ပတ်သက်ပြီး အခုလို တုံ့ပြန်လာတာ ဖြစ်ပါတယ်။ . မြန်မာနိုင်ငံမှာ အာဏာသိမ်းစစ်တပ်က နိုင်ငံတကာရဲ့ ထပ်တလဲလဲ တောင်းဆိုမှုတွေကို ဂရုမစိုက်ပဲ အရပ်သားတွေ အပေါ်အကြမ်းဖက်နေတာ ကို ပြင်းပြင်းထန်ထန် ရှုတ်ချကြောင်းလည်း ဂျပန်အစိုးရ ပြောကြားလိုက်ပါတယ်။ . မူရင်း : VOA Burmese ဓာတ်ပုံ : Google . #Myanmarlive #Myanmar #Thailand #Journal #freecopy #mahachai #samutsakorn #betterlife #EPL #UCL #Englishpremierleague #UEFAchampiansleague Credit:
