သာကေတ၊မြင်တော်သာလမ်းခံတပ်များကို ရဲနဲ့စစ်သားအလုံးအရင်းဖြင့် ဖြိုခွင်း၊ အနည်းဆုံး ငါးဦးဒဏ်ရာရရှိထား ရန်ကုန် ၂၀၂၁ မတ် ၁၉ (မော်ကွန်း) ရဲနှင့်စစ်သားများက သာကေတမြို့နယ်၊ မြင်တော်သာလမ်းတစ်လျှောက်ရှိ ဆန္ဒထုတ်ဖော် သူများ၏ သပိတ်ခံတပ်များကို ယနေ့ ညနေပိုင်းတွင် ပစ်ခတ်ဖြိုခွဲပြီး အင်အားသုံးဖယ်ရှားရှင်းလင်းနေရာ အနည်းဆုံး ငါးဦး ဒဏ်ရာရရှိခဲ့သည်ဟု ရပ်ကွက်နေသူများက ပြောသည်။ ကျည်ဆံအစစ်၊ ရော်ဘာကျည်၊ အသံဗုံးနှင့် မျက်ရည်ယိုဗုံးများသုံးကာဖြိုခွင်မှုအတွင်း " တစ်ယောက် ကတော့ မျက်လုံးအပေါ်ဘက်ကို ထိသွားတယ်။ လဲကျသွားတယ်။ အခြေအနေတော့စိုးရိမ်ရတယ်။ အခုဆေးခန်းပို့လိုက်ပြီး" ဟု အဖြစ်အပျက်ကို မြင်တွေ့ရသူ ရပ်ကွက်နေသူတစ်ဦးက ပြောပြသည်။ သာကေတမြို့နယ် မြင်တော်သာလမ်းမကြီးတစ်လျှောက်ရှိ စစ်ကားနှင့်ရဲကားများ မဝင်နိုင်အောင် တားဆီးထားသည့် အရံအတားများကို ဖြိုရန် ရဲနဲ့စစ်သားအင်အား ၁၀၀ ခန့် အသုံးပြုကာ ရှင်းလင်းနေခြင်းဖြစ်ကြောင်း သူက ဆက်ပြောပြသည်။ ဓါတ်ပုံ- CJ Credit:
