မန္တလေးမှာ ၁၅ နှစ်အရွယ် ကလေးတစ်ဦး ပစ်ခံရလို့ သေဆုံး ~~~~~ ■ မန္တလေးမြို့၊ ချမ်းမြသာစည်ရပ်ကွက်မှာ အမေဖြစ်သူအတွက် သောက်ရေခပ်ပေးဖို့ အိမ်အပြင်အထွက် အသက် ၁၅ နှစ်အရွယ် မောင်ထွန်းထွန်းအောင်ဟာ စစ်ကောင်စီတပ် ပစ်ခတ်တဲ့ သေနတ်ကျည်ထိမှန်ပြီး သေဆုံးခဲ့ပါတယ်။ မောင်ထွန်းထွန်းအောင်တို့ မိသားစုဟာ ဖခင်မရှိတော့ပါဘူး။ မိခင်ဖြစ်သူနဲ့ ညီအစ်ကို သုံးယောက် စုပေါင်းပြီး ချမ်းမြသာစည်မြို့နယ် ၅၁ လမ်း ၁၁၇ B လမ်းက ကျူးကျော်တဲမှာ အလှူရှင်တွေ လှူဒါန်းပေးထားတဲ့ ကျူးကျော်တဲမှာ နေထိုင်ကြသူတွေပါ။ သူဟာ ၈ တန်းတက်နေသူဖြစ်ပြီး ကျောက်ပိတ်ရက်မှာ ကျောက်သွေးလုပ်ငန်း လုပ်ကိုင်ပြီး မိသားစုကို လုပ်ကိုင်ကျွေးနေတဲ့ ကလေးငယ်တစ်ယောက်လည်းဖြစ်ပါတယ်။ ချမ်းမြသာစည်မြို့နယ်အတွင်းက အောင်သာယာ၊ အောင်ပင်လယ်၊ သင်ပန်းကုန်းနဲ့ မြရည်နန္ဒာရပ်ကွက်အတွင်းကို မတ် ၂၁ ရက်၊ မနေ့မနက်က စတင်ပြီး စစ်တပ်နဲ့ ရဲတပ်ဖွဲ့ဝင်တွေက ပစ်ခတ်နေပြီး ဒီကနေ့ တစ်ရက်ထဲမှာပဲ သေဆုံးသူ လေးယောက် ရှိသွားပါပြီ။ Credit:
