ဒီရက်တွေမှာ တသောင်းတန် ငွေစက္ကူတွေ တရုတ်ဘက်ကရိုက်နှိပ်ပြီး ပြည်တွင်းကိုရောက်ရှိနေတယ်၊ တသောင်းတန်အတုတွေ ထွက်ပေါ်နေတယ် စသဖြင့် (ကောလဟာလ)သတင်းပြန့်နေတာကို တွေ့ရပါတယ်။ တသောင်းတန်အတု ကောလဟာလသတင်းက မကြာခဏဆိုသလို ပေါ်ထွက်လာတာဖြစ်ပြီး ၂၀၂၁ ခုနှစ်မှာတော့ ဖေဖော်ဝါရီလဆန်းတုန်းက တကြိမ်၊ မေလဆန်းပိုင်းမှာ တကြိမ် ပေါ်ထွက်လာတာကို သတိပြုမိပါတယ်။ မည်သို့ဆိုစေ တသောင်းတန်သည် ဗဟိုဘဏ်ကတရားဝင်ထုတ်ဝေထားတဲ့နေရာမှာကို ပုံစံအသစ်- အဟောင်း ၂ မျိုးရှိနေတာဖြစ်ပါတယ်။ ၂၀၁၂ ဇွန်လ ၁၅ ရက်နေ့မှာ တစ်သောင်းတန်(ပုံစံအဟောင်း) ကို စတင်ထုတ်ဝေခဲ့ပြီး၊ ၂၀၁၅ ဇူလိုင်လ ၁ ရက်နေ့မှာ ပုံစံအသစ်ကိုထုတ်ဝေခဲ့ပါတယ်။ ၂၀၁၇ ခုနှစ် ဇွန် ကစတင်ပြီး ၅ထောင်တန်နဲ့ တသောင်းတန် ပုံစံအဟောင်းတွေကို ဗဟိုဘဏ်သို့ရောက်ရှိလာသမျှပြန်လည် သိမ်းယူပြီး ပုံစံအသစ်တွေကိုသာ ဆက်လက်ထုတ်ဝေခဲ့တာဖြစ်ပါတယ်။ ဒါကြောင့် ပြည်တွင်းမှာ လှည့်လည်သုံးစွဲနေကြတဲ့ တသောင်းတန်ဟာ ပုံစံအသစ်နဲ့ အဟောင်း ၂ မျိုးရှိလာပါတယ်။ တရားဝင် တသောင်းတန်ငွေစက္ကူ ၂ မျိုးကို စိစစ်နိုင်ဖို့ တင်ပြပေးလိုက်ပါတယ်။ Credit to Photo credit: Myanmar Now #အက္ခရာ #ahkhara_SOLUTION Credit:
