လွှတ်တော်ကိုယ်စားလှယ်တွေ ကိုယ့်အစီအစဉ်နဲ့ကိုယ်ပြန်နိုင်ဟု ဆို နေပြည်တော်စည်ပင်ဧည့်ရိပ်သာမှာရှိနေတဲ့ တိုင်းဒေသကြီးအသီးသီးက ကိုယ်စားလှယ်တွေအနေနဲ့ ကိုယ့်အစီအစဉ်နဲ့ကိုယ် နေရပ်ပြန်မယ်ဆိုရင် ပြန်နိုင်တယ်လို့ တပ်မတော်အရာရှိတစ်ဦးက လာရောက် ပြောဆိုခဲ့တယ်လို့ သိရပါတယ်။ ဟုတ်ပါတယ်။ တပ်က သုံးပွင့်နဲ့ တစ်ယောက်ရယ် ရဲရယ် လာပြီးတော့ ကိုယ်အစီအစဉ်နဲ့ကိုယ်ပြန်မယ်ဆို ပြန်နိုင်တယ်လို့ လာပြောပါတယ်။ ခုထိတော့ ပြန်ဖို့ မပြန်ဖို့ကို (ပါတီ)လူကြီးတွေနဲ့ တိုင်ပင်နေတုန်းဖြစ်ပါတယ် လို့ ဂန့်ဂေါမဲဆန္ဒနယ်က ဦးပြူးလွင်က ပြောပါတယ်။ တတိယအကြိမ် လွှတ်တော်တက်မယ့် ရွေးကောက်ပွဲကိုယ်စားလှယ်တွေဟာ တပ်မတော်က ဖေဖော်ဝါရီလ ၁ ရက်နေ့ အာဏာသိမ်းပြီးကတည်းက စည်ပင်ဧည့်ရိပ်သာအတွင်းမှာ ရှိနေတာဖြစ်ပါတယ်။ ယမန်နေ့ကတည်း ကိုယ်စားလှယ်တွေကို ရွှေ့မယ် ပြောင်းမယ် သတင်းတွေထွက်နေပေမယ့် ရွှေ့ပြောင်းတာမလုပ်ဘဲ ဒီကနေမှာ အခုလို မိမိအစီအစဉ်နဲ့ မိမိပြန်နိုင်တယ်လို့ လာရောက်ပြောဆိုတာဖြစ်ပါတယ်။ Credit:
