"နေပြည်တော်မှ ငြိမ်းချမ်းစွာဆန္ဒပြနေသူများကို လူစုခွဲ၍ ဖမ်းဆီး" နေပြည်တော်နှင်းဆီပန်းအဝိုင်းအနီးတွင်စစ်အာဏာရှင်ကို အလိုမရှိကြောင်း ငြိမ်းချမ်းစွာဆန္ဒပြနေသောပြည်သူ တစ်သိန်းကျော် ၁၁နာရီကျော်မှ စ၍ရဲတပ်ဖွဲ့မှအင်အားသုံးလူစုခွဲပြီးလူစုကွဲချိန်တွင် စတင်ဖမ်းဆီးခဲ့သည်။ ငြိမ်းချမ်းစွာဆန္ဒပြနေသောပြည်သူများကိုရဲတပ်ဖွဲ့ကအတားအဆီးပြုလုပ်ကာ လူစုခွဲရန် အသံချဲ့စက်ဖြင့်ထပ်ခါထပ်ခါဖွင့်ပြီးသတိ့ပေးသည်။ နံနက် ၁၁ နာရီဝန်းကျင်တွင်တွင် ရဲကား၊အချုပ်ကား၊စစ်ကားများ၊ရေကားစုစုပေါင်း အစီး ၂၀ ခန့်ဖြင့် ရဲတပ်ဖွဲ့ဝင်များနှင့်တပ်မတော်သားများက ဆန္ဒပြနေသူများဆီ တစ်ဖြည်းဖြည်းတိုးလာရာ ပြည်သူများကလည်းနောက်ကို ဖြည်းဖြည်းချင်းဆုတ်ပေးလာရာ မှ လူစုကွဲချိန်တွင် ရဲတပ်ဖွဲ့ဝင်များက လိုက်လံဖမ်းဆီးခဲ့ခြင်းဖြစ်ကြောင်း 7 Day News သတင်းထောက်က သတင်းပေးပို့သည်။ မျက်မြင်တွေ့ရှိသူများ ပြောပြချက်အရယနေ့နေလယ် ၁၂ နာရီ ၁၅ မီနစ် ဝန်းကျင်အထိ့ ဖမ်းဆီးခံရသောပြည်သူ အနည်းဆုံး ၂၀ဦးရှိကြောင်း ပြောသည်။ ဆန္ဒပြသူများလူစုကွဲ၍ လိုက်လမ်းဖမ်းဆီးသောအခါ ဆန္ဒပြပြည်သူများအပါအဝင် လက်ဖက်ရည် သောက်နေသည့် လူငယ်အချို့ကိုပါ ဝင်ရောက်ဖမ်းဆီးမှုများ ရှိနေသည်ဟု မျက်မြင်တွေ့ရှိသူများကပြောသည်။ထို့အပြင် ဆန္ဒပြပြည်သူများ၏ကားအချို့ကိုလည်း ကရိန်းများဖြင့် သယ်ဆောင်သွားသည်ကိုလည်း တွေ့ရသည်။ "လမ်းကြိုလမ်းကြား အကုန်လိုက်ဖမ်းတာ လမ်းတွေလည်း ပိတ်ထားတယ် လူစုခွဲတာနဲ့ အဖမ်းခံရမှာပဲ"ဟု ဆန္ဒပြ အမျိုးသားတစ်ဦးကပြောသည်။ ထို့သို့လူစုခွဲချိန်တွင် ရေဖြင့်ပက်ခြင်း ၊မျက်ရည်ယိုဗုံးများဖြင့်ပစ်ခတ်ခြင်း၊ ရာဘာကျည်ဖြင့် ပစ်ခတ်ခြင်းမျိုး မပြုလုပ်ဘဲ ရဲတပ်ဖွဲ့ နှင့်ယာဥ်များက ရှေ့တိုးလာကာလမ်းများပိတ်၍ ဖိအားပေးခြင်းဖြစ်သည်ဟုမျက်မြင်တွေ့ရှိသူအချို့ကပြောသည်။သို့သော် သေနတ်သံသုံးချက်ခန့်ကြားလိုက်ပြီးမိုးပိုထောင်၍ခြောက်လှန့်ပစ်ခတ်သည်ဟုထင်ကြောင်း အခင်းဖြစ်ရာနေရာရှိပြည်သူတစ်ဦးကပြောသည်။ ၂ ငါးလုံးနေ့တွင် စျေးဆိုင်များ ရပ်ကွက်ထဲရှိဆိုင်များလည်း ပိတ်ထားပြီး စစ်အာဏာရှင်အလိုမရှိ ကြောင်းဆန္ဒပြပွဲတွင် ယခင်နေ့များကထက် ပြည်သူများပိုမိုပါဝင်လာသည်။ -ရဲတပ်ဖွဲ့က လူစုမခွဲခင် ငြိမ်းချမ်းစွာဆန္ဒပြနေသော ပြည်သူများ ဓါတ်ပုံ- 7 Day News Credit:
